| Popis: |
23 p. : il.-- Bibliogr.: p. 21-23 Depresioa gogor jotzen duen asaldura neuropsikiatrikoa da. Izatez, bere hasiera goiztiarra, inpaktu funtzionala eta kronizitate zein errekurrentzia joera bide dela, egun ez gaitasun arrazoi nagusienetariko bat da. Gaitz honi aurre egitearren, tratamendu farmakologikoak badira ere, hauek erakusten dituzten mugak bistakoak dira, eraginkortasun gabezia edo honen atzerapena esanahitsuenak direlarik. Azaldutako ez gaitasunaz beste, hilkortasunean duen itzala ere aipatzekoa da. Izan ere, depresio larri batek edo tratamenduarekiko errefraktarietateak bere buruaz beste egiteari bidea eman diezaioke. Horrenbestez, egungo tratamenduari bestelako fokuratze farmakologikoaren premia sustatzen da lan honen bitartez, jomuga itu berri bat aurkeztea delarik. Horretarako, hartzaile mineralokortikoideak eta aldosterona depresioan itu farmakologiko gisa ekin ditzakelakoan deskribatzen da lan honetan. Hauen adibidetzat hartuta, Glycyrrizha glabra mahaigaineratuko da, honen eraginkortasuna ebaluatzea helburu izanik. Honi erantzuna emateko, bilaketa bibliografikoa burutu da, entsegu ezberdinen informazioa jasoz. Hartzaile mineralokortikoidearen hipofuntzionalitatea zein aldosteronaren neurrigabeko kontzentrazioak depresioan ematen direnaren ebidentzia anitz dauden bitartean, Glycyrrizha glabraren tratamendu eraginkortzat hartzeko gaitz honetan ebidentzia eskasak dira. Zama handiko ebidentziak ez badira ere, emaitza faboragarriak bideratzen direlarik, ikerketek Glycyrrizha glabra fokupean jartzea komenigarritzat hartzen da. |
