دینداریی و به‌شداریی سیاسی له ه دینداریی و به‌شداریی سیاسی له هه‌رێمی کوردستان
| Autor: | Jalal Ahmed Abdullah |
|---|---|
| Rok vydání: | 2019 |
| Zdroj: | Journal of University of Raparin. 6:442-472 |
| ISSN: | 2522-7130 2410-1036 |
| DOI: | 10.26750/vol(6).no(2).paper24 |
| Popis: | پوخته به‌پێی ئه‌نجامی هه‌ندێک له توێژینه‌وه‌کان له وڵاتانی ڕۆژئاوایی، په‌یوه‌ندییه‌کی ئه‌رێنی هه‌یه له‌نێوان دینداریی و به‌شدارییکردن له سیاسه‌تدا پاڵپشت به‌و بیرۆکه‌یه‌ی که بوونه ئه‌ندام له دامه‌زراوه‌و ڕێکخراوه ئاینییه‌کان، هاموشۆکردنی شوێنه‌کانی په‌رستن، پابه‌ندبوون به ئه‌رک و بۆنه ئاینییه‌کان و ..تاد، سه‌رچاوه‌ن بۆ سازدانی تاکه‌کان له‌ڕووی مه‌ده‌نی و به‌شدارییکردنیان له سیاسه‌تدا. سه‌رباری ئه‌و تێڕوانین و ئه‌نجامانه‌ش، به‌پێی ئه‌نجامه‌کانی به‌شێک له‌و ڕووپێوو و توێژینه‌وانه‌ی له هه‌ندێ وڵاتی رۆژهه‌ڵاتی ناوین له‌مباره‌یه‌وه ئه‌نجامدراون، تا ڕادده‌ی دینداریی تاکه‌کان زیاتر بێت، که‌متر به‌شداریی له سیاسه‌تدا ده‌که‌ن. ئامانجی ئه‌م توێژینه‌وه‌یه‌ش، وه‌سف و شیکردنه‌وه‌ی په‌یوه‌ندی نێوان دینداریی و به‌شدارییکردنه له سیاسه‌تدا له هه‌ريمی کوردستان؛ بۆ ئه‌م مه‌به‌سته‌ش نمونه‌یه‌کی 354 که‌سی له‌سه‌نته‌ری شاره‌کانی هه‌ولێر، سلێمانی و دهۆک به‌شێوه‌ی هه‌ره‌مه‌کی هێشوویی فره‌قۆناغ وه‌رگیراوه له‌پێناو کۆکردنه‌وه‌ی زانیاریی پێویست به‌شێوه‌یه‌کی چه‌ندایه‌تی. له‌وپێناوه‌‌شدا پێوه‌رێک به‌کارهێنراوه که جگه له ڕه‌گه‌ز، ته‌مه‌ن، ئاستی خوێنده‌واریی و باری هاوسه‌رداریی، 19 پرسیارو بڕگه‌ی تایبه‌ت به پێوانه‌کردنی دینداریی و به‌شداریی سیاسی له‌خۆده‌گرێت. به‌پێی ئه‌و ئه‌نجامانه‌ش که توێژینه‌وه‌که پێیان گه‌یشتووه، په‌یوه‌ندیی دینداریی تاکه‌کان به به‌شدارییان له سیاسه‌تدا نه‌رێنی یه: جۆر و ئاراسته‌ی په‌یوه‌ندییه‌که‌ش، به‌پێی شێوه‌کانی به‌شداریی سیاسی ناگۆڕێت. |
| Databáze: | OpenAIRE |
| Externí odkaz: |
|