| Popis: |
Шартномавий ҳуқуқий муносабатларнинг барқарорлиги ва pacta sunt servanda тамойилининг қатъий қўлланилиши барқарор жамиятни ривожлантириш учун зарурдир. Шартнома тузишда томонларни бошқарган ҳолатларнинг сезиларли ўзгариши шартномани бажаришда алоҳида хавф қийматига эга бўлади, бу эса шартнома тарафларининг мажбуриятларининг номутаносиблигига олиб келиши мумкин. Қайд этиш зарурки, фуқаролик-ҳуқуқий шартномаларни бекор қилиш институти фуқаролик-ҳуқуқий муносабатларни тартибга солиш тизимидаги энг муҳим институтлардан бири бўлиб, унинг амалий аҳамияти бозор иқтисодиётига ўтиш даврида янада ошди. Телекоммуникация хизматларини кўрсатиш шартномаларини бекор бўлиши эса қонунчиликда ва шартномада белгиланган асосларга кўра амалга оширилади. Бугунги кунда телекоммуникация хизматларининг ўрни ва аҳамияти ортиб бораётганлигидан келиб чиқиб, истеъмолчилар ҳуқуқларини ҳимоя қилиш нуқтаи назаридан мазкур шартномани бекор бўлишни таҳлил қилиш долзарб тус касб этади. |
