| Popis: |
Grunnskulelærarutdanning 5-‐10 PE379 Avdeling for lærarutdanning og idrett, institutt for grunnskulelærarutdanning Denne oppgåva er skriven med bakgrunn i ei kvalitativ undersøking om temaet interaktiv tavle. Problemstillinga er: ”Korleis påverkast klasseromsdialogen ved bruk av interaktiv tavle?”. Teori som vart nytta er om tavlebruk, dialogbasert undervisning, forsking kring interaktiv tavle og sosiokulturell læringsarena og klasseromsdialog. For å finne svar på problemstillinga vart det nytta observasjon og intervju. Det vart gjort fire observasjonar og tre strukturerte intervju. Hovudfunn er at bruk av interaktiv tavle medfører ein større elevaktivitet og det gir elevane eit betre utgangspunkt for refleksjon. Ved å nytte interaktiv tavle blir det mindre formidling hjå læraren, og det stimulera til auka grad av dialog mellom lærar-‐elevar. Læraren nyttar meir opne og autentiske spørsmål ved bruk av interaktiv tavle. Bruk av interaktiv tavle gjer at elevane får eit blikkfang i undervisninga, og slik er det lettare å få med elevane i ein dialog kring det som er visualisert. |
