| Popis: |
Ўзбек халқининг XIII–XIV асрлардаги этник тарихи қатор форсий, арабий ва бошқа тилли манбаларда акс этган бўлиб, улар орасида сон жиҳатидан форсий тилли манбалар етакчилик қилади. Бу даврда тарихий ва адабий асарларни форсийда ёзиш анча ривожланган эди. Шу боис бошқа тилда хусусан, араб тилида битилган асарлар ҳам қисқа фурсатда форсийга ўгирилган. Бунга Шиҳобиддин ан-Насавий, Жамол Қарший ва бошқаларнинг асарларини мисол қилиш мумкин. XV аср иккинчи ярми – XVI аср бошларидан туркий тилда тарихий асарлар ёзиш бирмунча кўпайишига қарамай, мазкур даврда ҳам форсий тилли асарларнинг салмоғи баланд эди. |
